СТАРЫ ОЛЬСА. Афіцыйная суполка

#СтарыОльсаАфіша
#СтарыОльсаСлухаць
#СтарыОльсаГлядзець
#СтарыОльсаНавіны
#МузейСтарыОльса

"Стары Ольса" – беларускі гурт сярэднявечнай музыкі, існуе з 1999 г., заснавальнік і кіраўнік Зміцер Сасноўскі. Склад – 6 чал. Назва – ад ручая ў заходняй Магілёўшчыне.

У рэпертуары – беларускія народныя балады і ваярскія песні, творы беларускіх кампазітараў эпохі Рэнесанса, кампазіцыі з беларускіх зборнікаў прыдворнай музыкі ("Полацкі сшытак", "Віленскі сшытак"), беларускія канты 16 - пачатку 17 стагоддзяў, а таксама еўрапейскія папулярныя мелодыі эпохі сярэднявечча і Рэнесанса.

Стары Ольса супрацоўнічае з рыцарскімі клубамі, музеямі, даследчыцкімі цэнтрамі, майстрамі старадаўніх інструментаў, з гуртамі старадаўняй музыкі і асобнымі выканаўцамі на старых інструментах.

Музыка гурта дазваляе аднавіць гучанне многіх забытых інструментаў: дуда, цыстра, колавая ліра, лютня, рэбек, гуслі, шалмеі, варган, сурма, тромбамарын, барабаны і інш.

Мэта – найбольш поўная (па-магчымасці) рэканструкцыя музычных традыцый Вялікага Княства Літоўскага, асноўнай культурнай і геапалітычнай часткай якога ў 13-18 стагоддзях была Беларусь.

На рахунку гурта 10 студыйных альбомаў, 3 канцэртных і 1 аўдыёспектакль.

Склад гурта:
Зміцер САСНОЎСКІ (дуды, тромбамарына, вакал)
Марыя ШАРЫЙ (флейты, шалмеі)
Ілля КУБЛІЦКІ (лютня, цыстра)
Алесь ЧУМАКОЎ (вакал, гуслі, рэбек, цыстра, шалмеі, колавая ліра)
Сяргей ТАПЧЭЎСКІ (барабаны, перкусія, тромбамарына)
Аляксей ВОЙЦЕХ (барабаны, перкусія)