Радыё Марыя

Радыё Марыя - міжнародная сям'я хрысціянскіх асветніцкіх радыёстанцый, заснаваная ў канцы мінулага стагоддзя на поўначы Італіі ў мястэчку Эрба, дзе была створана першая студыя "Радыё Марыя", якую ўзначаліў святар Лівіа Фанзага. На сённяшні дзень пазыўныя «Радыё Марыя» гучаць больш чым у 70 краінах свету, на ўсіх кантынентах. Эфір вядзецца на роднай мове кожнага народа. Усе радыёстанцыі ўзаемадзейнічаюць як адзіная сістэма і аб'яднаныя ў сусветную сям'ю "Радыё Марыя" (World Family of Radio Maria).
«Радыё Марыя» у Беларусі вядзе трансляцыю праз інтэрнэт і дадатак для мабільных прыладаў.

«Радыё Марыя» ва ўсім свеце - валанцёрскі праект. кожны слухач таксама можа стаць валанцёрам і знайсці для сябе справу, якая будзе патрэбнай для праекта. Нават маленькі ўчынак – гэта вялікі асабісты ўнёсак у нашу агульную і важную справу!
Бог хоча, каб мы яго пазнавалі! Рабі гэта з «Радыё Марыя» ў Беларусі!