Ерсін Әміре әбу Юсуф ©

1998-2000 жж. Шымкент қаласындағы “Даруль арқам” Құран кәрімді жаттау орталығын бітірген. 2000-2001 жж. Шымкент қаласындағы “Нәзір Төреқұлов” атындағы орталықтан араб тілі курсын тәмамдаған. 2001-2006 жж. Ливан мемлекетіндегі Триполи универсиетінің "Шариғат және ислам ғылымдары" факультетін аяқтаған. Мамандығы - исламтанушы. 1) Асим ибн Абу Наджуд 2) Абу Амр аль-Басри 3) Халафуль Ашир 4) Нафи Абу Джафар аль-Мадани 5) Якуб имамдардың Құран қырағаттарынан ижаза алып, қари атанған. Көптеген халықаралық Құран жарыстарының жүлдегері. Хадис ғылымы бойынша танымал мухаддис Абдульфаттах Абу Ғудданың (рахимахуллах) шәкірті шейх Мажид Дарвиштен, мухаддис Нуриддин Итрдің шәкірті, шариғат ілімінің докторы, шейх Али Буқоиден дәрістер алған. Жаз уақытында өтетін ғылыми даураларда хадис ғылымының маманы шейх Хатим әл-Әунидің дәрістеріне қатысқан. Фиқх ілімінен шейх Уахба аз-Зухайлидің (рахимахуллах) шәкірті және ислам экономикасының докторы Алауддин аз-Заттариден тәлім алған. Усулуль фиқh, ақида, тазкия ғылымдарынан Триполи қаласының шариғи қазысы шейх Усама Рифаидің шәкіртi болып табылатын шейх Муътасим әл-Бағдадидан сабақ алған. әл-Әзһар университетінің ұстазы, 70-тен аса ғұламадан иджаза алған шейх Мухаммад Жамалуддин Хашимнің жақын шәкірті. Қазіргі уақыттың беделді және сыйлы ғалымдары болып табылатын шейх Мухаммад Аууама және де Муфтий Тақи Усманилармен кездескен. Оңтістік Африка Республикасында өткен ғылыми конференцияға Қазақстан атынан қатысқан. Алматы Орталық мешітінің наиб-имамы, ҚМДБ жанындағы РАНТ мүшесі, Нұр-Мүбарак Египет ислам мәдениеті университетінің докторанты.